قصيدة الزير سالم

البدع:

• اعلموني بما قال الوحر والبسوس 
• يتجسـّـس على الطيّب وجسـّـى سمات 
• دقّ زيره ولا واحد من الزير سالم 
• والنمر كـَـلْ كباش الضأن واكل ايبله 

الرد:

• (ف)العصور القديمة يوم حرب البسوس 
• بكر ماتت مع تغلب وجسـّـاس مات 
• من قرأ في كليب وقصة الزير سالم 
• يعرف انّ الحوالي وادي كليب له

قصيدة يا دعاة السلام

البدع:

• شائق يقـل وين رحتم يا دعاة السلام؟
• في كل يوم اسمع التهديد من روسية
• فيها صواريخ تمشي تسعة الآف ميل
• ما دولة الاَّ وتتعهـّـد بتدميرها

الرد:

• يا صاحب القصر وش بك ما تردَّ السلام
• في ديرة(ن) طيـّـبة وجبالها روسيه
• والقصر من يطلعه دربه يجي لافّ ميل
• وقلوبنا حكمها بيدك وتدبيرها

نشيد يا راكبين على الذلايل

• يا راكبين على الذلايل من العيس
• قال الحوالي صار عندي هواجيس
• خلـّـتني العن بعضها والعن ابليس
• واعوّد اصبر لانّ ما لي سواها
• تقول يا شائق تجنـّـب عن الناس
• لو سلـّـموا بيدك جواهر مع الماس
• لولا كلام الناس ما كان شيء بأس
• خذها نصيحة ما تحصـّــل كماها
• فقلت ما اقدر لانّ هذي فضيحة
• كيف اقدر اوافق على ذا النصيحة
• واترك بني عمـّـي على كل صيحة
• في ديرة زينة وربـّـي سقاها
• قالت بني عمـّـك يحبـّـوك لا جيت
• ويقطعوا في ساقتك حين قفـّـيت
• والبعض منهم قال يا ليت يا ليت
• عنده عمى عيني ويأخذ عماها
• فقلت والاخوان ذولا في الدار
• أعطيتهم ما كان عندي من اسرار
• واطيعهم لو قالوا اجلس في النار
• رجال ما تقدر تدنـّـس لحاها
• قالت لي آثارك غشيم(ن) ومهبول
• تقول لي هرج(ن) ولا هو بمعقول
• ما تدري انّ الهرج ذا قلت منقول
• من يبدي اسراره لذولا سماها
• فقلت كـُـلّ(ن) (م)الجماعة تجمـّـل
• واذا مشيت امشي في الصف الاوّل
• ويقولوا اجلس بيننا لا تحوّل
• والعين لا غبتم تكثـّـر بكاها
• قالت لي آثارك مغفـّـل ومسكين
• ما ينخدع (م)الناس غير المجانين
• لو حصـّـلوا جسمك يقطـّـع بسكـّـين
• لقطـّـعوا كبدك وشربوا دماها
• فقلت ما لي ذنب لو يكرهوني
• مع انـّـي أفديهم بمقلة عيوني
• واطيعهم في كل ما ينصحوني
• ولو تكون الحرب دارت رحاها
• قالت لي أشهد ما تجيب الخطيـّـة
• صدّاق تمشي بين ربعك بنيـّـة
• لكنّ لو يحصل لهم سمّ حيـّـة
• قالوا لك اشرب شربة(ن) ما كماها
• فقلت كم مرّة يقولوا لي الشور
• واصبر على زلّاتهم واحمل الجور
• نظهر من الظلماء جميع(ن) الى النور
• ونأخذ الامداح من منتهاها
• قالت يقولوا (ف)النشائب تقدّم
• لكنّ لو ما حالف الحظ تندم
• وان زانت الاحوال قالوا لك انحم
• ما جبتها حتى حكمنا بناها
• فقلت يكفي ما في اليدّ حيلة
• يا ما اكثر الموضوع حول القبيلة
• والهرج يكفي عن كثيره قليله
• من يزرع النخلة بيدّه جناها
• قالت لو اتـْـكلـّـم من الصبح للـّـيل
• واعلـّـم الاجيال جيل(ن) وراء جيل
• ما ينقطع هرج(ن) سمعته كما السيل
• لكنـّـي اخشى لا تقل وش دهاها؟
• فقلت ما اصدّق اذا كنت ما ريت
• والمشكلة كيف اترك اهلي في البيت
• من حيث حلّ آبي وجدّي وحلـّـيت
• وارض(ن) حماها الله من الشرّ حماها
• قالت لي اهلك يفرحوا لو تفارق
• ما احد يفكـّـر ليش ما عاد شائق
• واذا تحبّ اجيب بعض الحقائق
• فابشر ولا تزعل ولو ما تباها
• فقلت انا لله وش ذا المصيبة؟
• كيف القريب اليوم يكره قريبه؟
• واهله يكلـّـمهم ولا احد يجيبه؟
• قلوبهم مثل الحصى في قساها
• قالت تمنـّـى ليّ والا اْتمنـّـى
• انـّـي مع ذولا بعيدين عنـّـا
• واسمع لغرّ(ن) زاع صوته وغنـّـى
• كيـّـه على قلبي وعنده دواها
• ضحـْـكت وقالت لي تكلـّـمت مرّات
• وقد لي اتكلـّـم معك سبع ساعات
• هيهات لو تسمع لما اقول هيهات
• ما كنت تتمنـّـى لروحك شقاها
• مشيت (ف)الدنيا وريت العجائب
• واخذت فكرة طيـّـبة (ع)الحبايب
• رمش العيون اللي يغطـّـي الحواجب
• فيه الخديعة والخيانة معاها
• فقلت انا تايه مع بعض الاحباب
• ريقه يداوي الجسم من قرصة الدّاب
• ولو يحطّ ايده مكان الوجع طاب
• في نظرته طعنة رهيف(ن) شباها
• مثل القمر بين النجوم الزواهي
• ضيـّـع قلوب(ن) عند ناس(ن) دواهي
• وانا بقيت امشي بدربي وساهي
• من حسن نوره تتلألأ سماها
• قالت صحيح أمـّـا الجمال اشتهر به
• هذه هديـّـة جات من عند ربـّـه
• كل العيون اللي تشوفه تحبـّـه
• لكن تصبـّـر, والله اقوى قواها
• يقتل بعينه من يشوفه وغشـّـاش
• ورميته ياجي بها فوق الانعاش
• مثل الذي يقتل غريمه برشـّـاش
• عيناه فيها الموت والا احداها
• فقلت كيف اعمل بتالي زماني
• فانتِ صدقتي في كثير المعاني
• وانا الذي وحدي بطرفه رماني
• أيـّـام ما اعرف صبحها من مساها
• قلبي غوي ما عاد يعرف طريقه
• والنار شبـّـت من يطفـّـيْ الحريقة
• شربت (م)الماء ذا بيروي حديقة
• لكنّ عيـّـا لا يطفـّـي حماها
• قالت قربنا نوصل الى النهاية
• فاحذر من الشيطان واهل الغواية
• واحذر تصدّق (م)الخلائق سوايه
• خذها نصيحة مثل عدّ الجناها
• فقبل كانوا يشترون النصايح
• ما هم سوى (ف)الناس, قايم وطايح
• ومن تركها صار (ف)الغـُـلـْـب رايح
• ويعيش ما يدري وش آخر مداها
• صحيح مرّت في حياتي تجارب
• مشيت (ف)الدنيا وريت الغرائب
• وريت عادات العرب والاجانب
• واذا كـُـتب للعبد خطوة مشاها
• وجدتهم جنسين: طيـّـب وبطـّـال
• ناس(ن) يحاول يتبع القيل والقال
• والبعض محسوب(ن) بميتين رجـّـال
• رجال نعرف طيبها من رداها
• قالت لي أمـّـا الشخص ذا قلت فيهْ خير
• إذا زهمته كأن (ف)اذنه مسامير
• يفرح بما جاءْ له وكم يحسد الغير
• واذا مسك حاجة بيدّه كلاها
• والثاني اللي ينقل اسرار ربعه
• رفاقته واجد وفي كل بقعة
• والحمد لله الذي شفت طبعه
• لا قلت له هرجة لغيرك حكاها
• قلت آه يا قلبي ويا صرم حالي
• ماذا جرى للنـّـاس وانا الحوالي
• عند الحقيقة لازم ابقى لحالي
• عن ناس ما اعرف وجهها من قفاها
• لكنّ من يقدر يداويْ الحماقة
• لو طحت في غدّار قطـّـاع ساقة
• أمـّـا من الاحباب والّا الرفاقة
• كيف اقبل الزلـّـة وعيني تراها؟
• قالت خذ الحلّ الذي ما مثيله
• حاول تموت وخلّ وقتك وجيله
• فالموت بياجيك والّا تجي له
• والروح وان طالت يجيها فناها
• وقل هلا بالموت يا مرحبا به
• مات النبي من قبل سيد الصحابة
• هذاك ذا ظلـّـت عليه السحابة
• روحه قبضها ربها واصطفاها
• فقلت انا لله وازيد (ف)الصوت
• والله سبع ايمان ما اخاف (م)الموت
• إلا انـّـي اخاف انتزي بئر برهوت
• ومن قتل نفسه بيدّه نزاها
• فكم مشينا في علوم(ن) عسيرة
• والذنب واجد والخطايا كثيرة
• في ديرتي هذي وفي كل ديرة
• والنار ما تحمل عظامي لظاها
• قالت صبرت عليك حتى انتهى الصبر
• والصبر من عاداته يودّي القبر
• كم يأخذ الانسان قهر(ن) وبالجبر
• ويحرق اعصابه وكبده شواها
• ما تدري انّ الله رحيم(ن) ورحمان
• في جنـّـة الفردوس روح(ن) وريحان
• ورحمته يرجيْ لها الانس والجان
• يغفر ويرحمها ويقبل رجاها
• واقفت وانا انظرها بعين(ن) حزينة
• والقلب له دقـّـات تسمع حنينه
• من كان مثلي فاطلب الله يعينه
• واقل عساها لا تعوّد عساها
• بقيت متعذّب وافكـّـر في امري
• صبرت وامـّـا اليوم يا قـُـلّ صبري
• لا هو نهار ابصر ولا ليل(ن) اسري
• واصبحت ما اعرف ليلها من ضحاها
• يا رب ترشدني لدرب الهداية
• لحيث متعذّب وزايد عناية
• ولا احد(ن) ظنـّـي تعذّب كمايه
• يا منبت الاشجار واسقى ظماها
• وصلاة ربي عدّ ما صلـّـوا الفرض
• وعداد ما ينبت من الزرع (ف)الارض
• شمالها وجنوبها طول والعرض
• على نبيّ(ن) والرسالة تلاها

قصيدة عشرة أخوان

البدع:

• أنا عندي حوالي عشرة اخوان واكبرهم أنا 
• (ف)المشاكل ودرب الشرّ يقولون يا شائق تقدَّم
• وان يروا فايدة قالوا تريَّـح ترى حنَّـا لها 
• إن رضيت انشبوني وان عصيت امرهم صارت مصيبة
• قلّ صبري وضاعت حيلتي يا معين الصابرين

الرد:

• يا الله لا تجعل الدنيا في الوجه واكبر همـّـنا 
• واجعل الخير كـُـلّ الخير والسعد والشايق تقدُّم
• كم غنيّ(ن) في الدنيا تخلـّـت عنه حنْ نالها 
• واصبح يخطيْ الهدف من بعد ما كانت اهدافه مصيبه
• يجرع الصِبر ويذوق المرارة من ايد الصابرين

قصيدة فصّ لول

البدع:

• يا الله يا الله توفيقك وحسن الخاتمة
• قـُـدَّام تاجي منايا الموت نغدي (ف)الصلول
• وتضيع منا المعارف ذي نسوّي والبـُـصُـر
• والقبر ما هو كما الدنيا تعيبه قيمته
• والله انّ قلبي يزوع المعرفة وانشد عنه
• بعدى يجوا بالحديد الصلب ويسوّوا فـقير

الرد:

• شائق يقُـل شفت من شمس الضحى في خاتمه
• عصاته الماس وارد مصر وامـّـا الـفصّ لول
• لَاوْمـَـا بيدَّه نشـُـف له نور يأخذ بالبصر
• فقلت يا راعي الخاتم على كم قيمته
• فقال شيء(ن) بعيد(ن) عنك لا تنشد عنه
• ما جوا به أهل الذهب حتى تجي به يا فقير

نشيد يا عالم الشأن

• يا الله يا عالم الشأن
• يا ابو العيون الرقيبة
• أسألك جنة وغفران
• وناجدات(ن) قريبة
• واعناك يا الله نيران
• لا شبّ مالك لهيبة
• الفكر لهّمني اشوان
• حبيب يذكر حبيبه
• غائب وله مدّة ازمان
• يا طول هذا المغيبة
• يا ونّتي ونّ سرحان
• لامسى يعاوي الزريبة
• يا ونّتي ون عطشان
• (ف)الخبت ما احد يريبه
• وا ونّتي ونّ وجعان
• ما قرّ عنده حبيبه
• صارت رخيل(ن) من الضأن
• تعلى الفحول الصليبة
• والجم تديس ام الاقران
• والقرن ما تحتمي به
• والشور في رؤوس خطلان
• عاداتهم ما تجيبه
• والعزّ في رؤوس ذلّان
• مثل البهم (ف)الزريبة
• سر يا ذميري بهدبان
• من الجمال القطيبة
• من ابل رابغ وعسفان
• ومدرّبينه عتيبة
• لا تمسي إلا بناوان
• والليث تصبح قريبة
• وخذ نهارين تيهان
• عليك ما هي غليبة
• انص الحرم وانص الاركان
• بيت الرضا تلتوي به
• ورح لمضنون الاعيان
• هذاك ذا نعتزي به
• وقل له ان كنت رغبان
• فينا وفي من تري به
• فالله هب العقل ميزان
• لاهل العقول اللبيبة
• أختم على طول ما كان
• يا بخت من حلّ طيبة

قصيدة وامح زلاتي

البدع:

• يا الله تغفر ذنوبي وامح زلّاتي 
• صلـّـيت ركعة وقلبي ضيـّـع القبلة 
• وجـّـهت وجهي خطأ صوب اليمانية 

الرد:

• للسيف زلة وعند الرمح زلاتي 
• لكنـّـه اقفى ولا بعده ولا قبله 
• يا اللي تلمّ المدايح وليمانيـّـة

قصيدة داين ومديون

البدع: 

• داين ومديون وانا بينكم ما معي دين 
• واعوّد اعيد واسمع لي وعيد(ن) واراعيد 
• وربعنا يا هبوا دايم حدود(ن) وفيصل 
• يابوا من الخير ويحطـّـوا من الشرّ قناوي 
• في ديرة(ن) كان فيها الخير واهلا وسهلا 
• واليوم ما عاد نعرف عدّها من عددها

الرد: 

• هلـّـت علينا السعادة واصبح العيد عيدين 
• عيد الضحى عيد كل الناس عيد(ن) وراء عيد 
• وثاني العيد حن جانا من الشرق فيصل 
• حيـّـوا عزيز(ن) علينا جاء من الشرق ناوي 
• يا مرحبا هيل عدّ السيل واهلا وسهلا 
• ترحيبة(ن) ما قدر في عدّها من عددها

نشيد يا واحد

• يا واحد(ن) معبود عالم بالاحوال
• ترحم حزين القلب والطف بحاله
• ذا ما نشد في طول عمره ولا سال
• إلا عن المحبوب دايم سؤاله
• قلبه حزين(ن) في حياته ولا زال
• يشكي من اللي ساعي(ن) في زواله
• أثر الهوى جاير كما حمل الاثقال
• يا ويل من قلبه بلي به وشاله
• والحب مثل السيّمة بيد دلّال
• كل(ن) يجي يبغى عليها دلالة
• ومن بلي به ضيّع الدال بالذال
• وان قام يمشي مثل شيبة هلالة
• فكم غني(ن) كان يزهي له المال
• قلبه بلي بالحب وانساه ماله
• ذا قيمته قرشين يشري به بريال
• يضيّعه ما كان ماله حلاله
• يا صاحبي باشوف عندك تبهلال
• مثل الذي عنده عليّه وكالة
• لن كان ما لك شفّ خل التحيّال
• فكم عزيز(ن) راح واخذ بداله
• يشهد على ما قلت لي شهر شوال
• في ليلة النص يتلألأ هلاله
• لكنّ جانا الصبح والليل ما طال
• ثم افترقنا راح كل(ن) لحاله
• فجيتني يا قرة العين (ف)الحال
• تشكي من اللي صاب قلبك وجاء له
• قلت اصبر انّ الصبر من طيب الاعمال
• لا بدّ راع الصبر يرتاح باله
• فرحت من عندي حزين(ن) وزعال 
• تقول متكبـّر وماله زهى له
• لا انا بمتكبر ولا انا بزلال
• انا من اهل العز واهل الشكالة
• انا عريب الجد والعم والخال
• لا قام كل(ن) يتباها بخاله
• ما انا كما واحد غشيم(ن) وجمّال
• لا راحوا اهل المال سرّح جماله
• وان سأْلتني عن ديرتي يا رضى البال
• أنا من النهيين وادي حوالة
• أنا ابن من يوفي بقوله اذا قال
• واذا هرج كل(ن) يلبّي مقاله
• قال انتبه يا ولد انْ كنت رجّال
• فلا تضيّع قالتك والرجالة
• ولا تصاحب راعي القيل والقال
• لو شاف عيب(ن) فيك خبّر وقاله
• وكل من يمشي مع القوم الانذال 
• لا بدّ يتعلّم فنون النذالة
• والناس فيهم خيّرينا وجهّال
• والحُرّ ما يمشي مع اهل الجهالة
• وبعضهم تلقى تراحيب واسهال
• واذا نصاه الضيف يلقى قباله
• مثل النمر تسمع لصوته تزهلال
• يقدّر الضيفان والبيض فاله
• والبعض مثل الصقر في جوّ الاهوال
• لا طاب له صيد(ن) وشافه هوى له
• وبعضهم يصلح في السوق حمّال
• قشّه على ظهره ويأخذ حماله
• يا ونتي ونة سجين(ن) بسلسال
• يبات يتندّم على ما جرى له
• ساعة دخل للسجن واجه ترزّال
• ما قدّروه اهل الردى والرزالة
• يا صاحبي لو تهت في بحر الاهوال
• أنا معك تايه ورب الجلالة
• ولو بديت السر في بعض الاحوال
• فانت السبب يا زين هاوي دلاله
• لكنّ كل(ن) تاه في بحر الاهوال
• ما صادوا المعنى عيال الفلالة
• يا صاحبي بسّ ان عندي سعة بال
• واصبر على صاب قلبي وجاء له
• أنا معي قلب(ن) كما طير حلحال
• ذا سيّب الروضة وفارق تبالة
• لك صاحب(ن) والنوم من عينه انجال
• غدا عن الراحة وفارق عياله
• شائق يقل ذقت المُر الوان واشكال
• والقلب حن يذكر حبيبه بكى له
• يا ذا خلقت آدم وحوّاء والانجال
• والارض واللي فوقها والسماء له
• تغفر ذنوبي يوم لا اهل(ن) ولا مال
• ولا احد(ن) غيرك قوي ينشكى له
• وارضى اللهم (ع)النبيّين والآل
• وكل مسلم مؤمن(ن) بالرسالة

قصيدة الشقلبة

البدع:

• ريت الشيم هابطة واصحابها في نزول
• وريت ذا ما حسب ربعه ولا شيمته
• يصفقوا له وفي مفهومهم نابغة
• ياسين فين الشهامة واهلها فينهم
• أضحت مفاهيمهم واهدافهم نازلة
• عدوّهم ضلـّـهم رأيه وضلـّـوا معه
• وذا يهمـّـه رضاهم ما عليهم منه
• معكوسة أفكارهم ويجيدوا الشقلبة

الرد:

• أطيب لنا نترك الديرة ومنها نزول
• ضاع الحسب والنسب يا ناس والشيء مته
• كثير من ضيعه وقليل منـّـا بغاه
• تعبت بعد العذاب امشي معه في نهم
• واحبّ ربعي وكأني بينهم نازله
• وذا غريب(ن) يحبـّـونه وظلـّـوا معه
• زاد الفشل وان حسبنا ما عليه امـّـنه
• ما واحد(ن) يهتدي (ف)الدرب والشقل به

قصيدة حي الدواسر

البدع:

• أنا تمشـّـيت عصرية بحي الدواسر 
• وانا معي عندكم (ف)الحي يا دوسري شان 
• يرتاح من عندكم في الحي يا دوسري بات 
• مع شريكة حياته وامـّـها دوسريـّـة

الرد:

• يا قلبي ان كان تبغى العافية للدواء سر
• يا ليت لي في جنوبي ساعة الدوس ريشان
• واطير لا ريت لي في ليلة الدوس ريبات
• قالوا مدير المباحث هب في الدوس ريـّـه

قصيدة أبو شنب

البدع:

• سلام يا ذا على عيني ومثل الروح 
• سلام(ن) أحلى من السكر وذوقاته 
• يا بو شنب كم لي أترجـّـى لكم يا كم 
• واسال واقل عساها زانت احواله 
• عساك طيب وبشـّـرني وكيف الحال؟ 
• وان كنت زعلان علـّـمني واراضيكم 
• مع انـّـك أتعبتني وتحبّ شيغالي 

الرد:

• ودّي نسافر على مصر العرب ونْروح 
• قلبي يحبّ السفر دايم وذا اوقاته 
• ودّي نسافر معا ونـْـروح ويـّـاكم 
• واحيل عن وادي النهيين وحوالة 
• ونفارق الناس في بلجرشي والحال 
• ما عاد شيء فائدة بارضي واراضيكم
• ارض الكنانة بها الطيـّـب وشيء غالي

قصيدة الحساء فين

البدع:

• لي صاحب(ن) (ف)الحساء يا ناس فين الحساء فين؟
• أنا على البحر (ف)الميناء وهو (ف)الحساء بات 
• يا ليتني (ف)الهفوف أعيش والا حساوي
• والا معي واسطة واغيـّـر التابعيـّـة

الرد:

• حسوفتى يا هلي ما هي بمرة, حسافين
• ضيعت مالي وضاعت تجرتي والحسابات
• والزاد ما نطعمه ما نشرب الا حساوي
• من صاحب(ن) ما رحم حالي ولا تاب عيـّـه

قصيدة حوّاق لولي

البدع:

• أنا على سيكلي والزين في كدلك اخوه 
• يشـّـر ويضحك وانا (ف)الدرب ماشي عداله 
• حتى وصلنا في الميناء وعند امسواعي 
• سافر في اللنش فوق البحر والماء دروبه 
• بيروح للي في البحرين وفي المنامة 
• في ربع ساعة تقابل موكب البحر والبر 
• وين المساواة بين آدم وحواء قلوا لي 

الرد:

• أخـّـوه من ذا يحب الظلم واكد لك اخـّـوه
• العدل مفقود بين الناس ماشي عدالة
• يا قلبي اصبر وصابر وانتبه وامس واعي
• مظلوم شائق وربعه كأنهم ما دروا به 
• سهران طرفه وغيره غارق(ن) في منامه 
• يشوف ذا يخلط السمسم مع الدخن والبـُـرّ
• ما يستوي ذا يحوق الحب وحوّاق لولي

قصيدة الحجـّـاج

البدع:

• يا مرحبا هيل يا حجاج مكة هلا هيل
• حساب ما سبـّـح المحرم وكبـّـر وهلـّـل 
• وحساب من زار قبر المصطفى (ف)المدينة 
• وعداد من سافر الى القدس والبيت الاقصى
• وانا اشكر الله على جوده وفضله وحمدان 
• شكر(ن) جزيل(ن) على ما قدّر الله وما صار 
• من بعد ما كان في قلبي مثيل المناشير
• وكأن فوق الكبد ورشة نجارة ومنشار 
• وبعد هذا وذاك القلب راضي ومرتاح 
• من يوم ما عاد يوجد يا هل الشيم خلـّـة

الرد (حمدان العاتي): 

• هرجك كما التمر لا هلـّـت عذوقه هلاهيل
• يوم استوى في فروع النخل كبـّـر وهلـّـل 
• سحايب الغيث والامطار فوقه مدينه 
• أما المخالف عساه الداب ويبيت لقصى
• ربعك يحبوك يا شائق, سل اخوك حمدان
• عند القبائل وفيما بيننا علمنا سارّ
• لنْ ما نشاورك يا شيخ القبيلة من اشير 
• واحب نسمع لمن عنده نصيحة ومن شار 
• مع انـّـي اشوفها قبل الظهيرة ومرتاح 
• لكن غنمين من حولك وللشيمة خـِـلـّـة

قصيدة ويسبـّـح الطايف

البدع:

• سبحان من يعلم المخلوق واحواله
• أنعم عليـّـه بجوده واشكره واحمد
• سبـّـح له المستعي ويسبـّـح الطايف
• دين الهداية لكل الناس ومنشـّـر

الرد:

• غامد وخثعم مع شمران وحوالة
• يدعو لكم في مرضكم بالشفاء يا أحمد
• قلوبهم كلـّهم عندك في الطائف
• والله يجيرك من العلّات ومن الشر

قصيدة ما عيني انساك

البدع:

• ما عيني انساك يا الخيطان وادي حوالة
• وادي عزيز(ن) وعند اهله مثيل الف وادي
• نفديه بارواحنا والمال والدمْ نسومه
• يحلى السمر تحت سدره ليلة(ن) بألف ليلة
• جميل واكثر جماله من جمال الطبيعة

الرد:

• عذب اللمى صرت في مـُـلـْـكه, فؤادي حوى له
• وكل ما كان في ملكي خذه والفؤادي
• روائح العطر فاحت في مقدّم نسومه
• خلـّـوه ياهب لنا من وقته الولف ليلة
• ونجمع الخيل حوله والجمال الطبيعة

قصيدة هدم الحصن

البدع:

• حيفاء وما حولها ضاعت ويا سيناء
• والحزم والعزم ضائع ما بنا جـِـدّي
• ما عـَـدْ بي الا شيمنا ما بنا بيده
• ولا بي إلا حوالة ما بنا ليـّـه
• أهل الشيم والشرف واهل الولاء يا ابني

الرد:

• أصيح وانا ابن عبدالله وياسينا
• من واحدْ اراد يهدم ما بنى جـَـدّي
• حتى نضيـّـع وننسى ما بنى بيده
• حرام يا ناس يهدم ما بنى ليه
• حلفت ما اطيع ذا يهدم ولا يبني

قصيدة يا الله ان تحيـّـه

البدع:

• أسقيتني يا حسين اللون حلوة ومـُـرّة
• فيما مضى كانت اخلاقك حميدة وشنته
• وارجي لكم واتلهـّـم ما حصل من رواجيك
• يا من تلطـّـف وجانا في زيارة هلا هيل 
• يا ناعس الطرف يا عذب اللمى مرحبا بك
• أهلا وسهلا وستين ألف مرّة هلا بيك 
• ما ضيـّـع العـُـرْف والمعروف يا الله انْ تحيـّـه
• سنين مرّت وانا احسبها ليالي والايام
• من فكـّـرك يا حبيب الروح فينا ومن شار؟
• عسى عظامه في الجنة مع الفايزينا

الرد:

• ريت السعادة وانا شائق في العـُـمْر مـَـرّة
• يا ساري الليل ما ودّي نقلْ لك وش انته؟
• لاني عرفتك وعارف مشيتك مـُـرّ واجيك
• هلـّـت علينا السعادة يوم ريتك هلاهيل
• يا ما تعقـّـدت وتشاومت من مـَـرْحْ بابك
• تسكـّـر الباب حتى لا نشاهد هلابيك
• تروغ منـّـي مثيل الذئب, والا انت حيـّـة
• ما تدري انّ الحياة اليوم فرقى وليـّـام
• كأن السكاكين في قلبي تخالف ومنشار
• ألفين مـَـرّة يشين الوقت والفا يزينا

قصيدة مـُـرّ مـُـرّ

البدع:

• كل ما جئت ابغي آكل طعامي مـُـرّ مـُـرّ
• والذي غيري تحصـّـل على حلوة ومـُـرّة
• شانت الايـّـام, ما اعطتني الا مـُـرّها

الرد:

• يا زمان الشؤم جنـّـب وروّح مـُـر مـُـر
• خل شائق من همومك ولو (ف)العمر مـَـرّة
• لأن كثر الهمّ دمـّـر قلوب(ن) مـَـرّها

مجموعة قصائد شائق ومصلح

البدع:

• ترافق اثنين (ف)الخيطان شائق ومصلح
• ذا (م)الحجاز انشده واسال ذا في تهامة
• ما كل واحد في الخيطان يفهم دروبه
• وادي عزيز(ن) وعزّة كل وادي من اهله

الرد:

• ناس(ن) يفرّق وناس(ن) نقتدي به ومصلح
• من يتهم الناس ما احد سالم(ن) من تهامة
• أدري بما يقصده والناس مثلي دروا به
• والحق دربه صعيب وكل درب(ن) منه له

البدع:

• أبو سعيـّـد يجيه الضيف ممسي ومصبح
• ويعلـّـم الضيف ويفيده ويأخذ علامه
• ويقدّرونه بني عمـّـه ويوفي بنوبه
• واذا طلبته تحصـّـل ما تريده وصح به

الرد:

• مات ابن شائق وبن جمـّـاح قبله ومصبح
• مثل المصابيح واعلام الهداية علامة
• واجب علينا نعزّز (ف)البناء ذا بنوا به
• وصلاة ربي على طه محمد وصحبه

قصيدة بني سار

البدع:

• قسيت قلوب البشر ما عاد فيها عواطف
• والناس تبني طريق الشرّ واذا بني سار
• واعرف رفيقي وما في خاطره من حواله
• قطع القفا (م)الرفاقة مثل عود(ن) منشـّـر

الرد:

• اسعي لدرب الهداية وافرحي يا عواطف
• كليـّـة العلم وانوار الهدى في بني سار
• واهل الحسب والنسب واهل الشرف من حوالة
• والله يجيرك ويحمي كل مسلم من الشر

قصيدة ما نسي منا بشر

البدع:

• وحـّـدوا ذا خلقنا واكتفل ما نسي منـّـا بشر
• والف صلـّـوا على طه شفيع البشر يوم القيامة
• وآل بيته وصحبه سيـّـد الكون ما بعده نبي
• يا سلامي على اهل سنان مرسى الكرم واهل الشرف
• كل واحد من اهل سنان واهل الشرف جدّه حوالي
• ما نطيع المنافق ذا يحاول يفرّق بيننا
• وافتخر واتنيمس وارفع الرأس لأني من حوالة
• نمـّـن الخائف اذا صاح فينا ويامن جانبه
• والقبائل نقدّرها ولا احد يضيـّـع قدرها
• والحوالي يمدّ ايد المعونة لجيرانه وضيفه
• نحمي الجار والضيفان ناهب لكلّ(ن) واجبه
• كل عادة جميلة للعرب عندنا وامثالها
• وان دعا داعي الواجب نجي (م)الحجاز ومن تهامة
• والموازين عند الله وميزان قومي عدلهم
• يشهد الله ويشهد كل منصف ما قلت انا

الرد:

• لعنة الله على الشيطان ذا ما نسي منـّـى بشرّ
• والذي يتبع الشيطان يغويه ما يؤمل قيامه
• يبعده عن طريق الدين والدين ما غيره نبي
• وابعده عن طريق الخير واهل الهدى واهل الشرف
• ألف واربعمائة من يوم مات النبي والا حوالي
• والفتن ما ربح من سار في دربها والبين ناء
• ينعرف كل واحد بين ربعه ويعرف من حوالة
• والذي عاقل(ن) معروف دايم ويا من جان به
• نحمد اللي هدانا واكثر الخير حتى قد رهى
• هذا ما كان عندي قلت به ما معي هرج(ن) واضيفه
• خذ نصيحة مجرّب من دعى فيك رح له واجبه
• فالعرب تحتفظ دايم بعاداتها وامثالها
• مجلس الامن دان اسحاق شامير ويكثـّـر تهامه
• يا فلسطين بالدم والحجارة لشعبك عـُـد لهم
• واذا ما نأخذ الضفة وحيفاء على ما قلتنا

قصيدة النجوم

البدع:

• سلام يا ذا انتصر ساعة الهجوم
• ويحسن الاقوال في هرجته لا علـّـم
• يسابق العالم ويسبق عدوّهم

الرد:

• يا الله يا من زيـّـن الليل بالنجوم
• وعلـّـم الانسان (ف)الكون ما لم يعلم
• تعز هذا القيف وامحق عدوّهم

قصيدة المجاملة

البدع:

• سلام يا ذا مثل عيني ومثل الروح
• سلام(ن) احلى (م)العسل يا هله والسكـّـر
• من قلب(ن) أبيض ما يحب المجاملة

الرد:

• نمسي ونصبح دايماً عندكم ونروح
• باب الكرم مفتوح يا اهل الكرم ما سكـّـر
• جميلكم ما انساه يا اهل المجاملة