البدع (الجد عبدالله بن شائق, غفر الله له):
- يا شائق انقل قريب(ن) وانقل بعادي
- وشدّ لا ريت لك ربع(ن) مشدّينا
- واحرص على الدار والوادي وشيمتنا
- الفارس اللي يقهوي في معاميله
- النمر ما ينقلب واذا انقلب عادي
- يمشي مع اهل الحضانا لا مشى الدينا
- ما يلزم الا هدود البل وشي متنا
- يخبط بكفـّـه ونيبانه مع ميله
البدع (الجد عبدالله بن شائق, غفر الله له):
البدع (الجد عبدالله بن شائق, غفر الله له):
- يا الله يا الله يا مطلوب يا هادي
- تديم حبل المودّة بيننا بينا
- وفي طريق الهدى نوّر بصيرتنا
- وكثّر الخير في وادي مشى غيله
- يا كم لي اصبر وطبعي بينكم هادي
- فابو ثمان(ن) تلالا بين نابينا
- من يوم شفته فغيّرنا مسيرتنا
- لكني احترت من كثرة مشاغيله
- يوم امس بيني وبينك صار ميعادي
- واليوم ما كأننا رحنا ولا جينا
- لا تترك الصقر يقرب من حمامتنا
- حمامة(ن) عشّها عندك ولا هي له
- من يزرع البُرّ جاءْ بالصارمي عادي
- ومن يحبّ العسل هب له ولاجينا
- ولو نزلنا تهامة (م)الحمى متنا
- من زارها ما لقي زينة ولا هيلة
البدع (الجد عبدالله بن شائق, غفر الله له):
- من يبغي الفايدة للخير ورّادي
- البن حانت ثماره يا مجنانينا
- لو ما حميناه, كل الناس لامتنا
- مثل الذي يضربه خصمه في القيلة
- تغيّرت دلّة القهوة ببرّادي
- شاهي محلّى بسكّر يا مجانينا
- يا رب تغفر وترحمنا إلى متنا
- واحفظ لساني من الزلّات ف القيلة
البدع (الجد عبدالله بن شائق, غفر الله له):
- زاد المطر بعد برّاق(ن) ورعّادي
- حتى المطر زان واخضرّت روابينا
- وارتاح ذا جاهل(ن) منّا وشيبتنا
- وامّا الذي عاصي(ن) يُضرب ويا ويله
- في القلب يا والدي رجفة ورعّادي
- يبان من كان ضامي والروى بينا
- أسهر ولو كان جاء (م)النوم شي بتنا
- ما ريت واحد رحم قلبي ويأوي له
البدع (الجد عبدالله بن شائق, غفر الله له):
- للزين في حبّكم روحة وعوّادي
- يصبر على هجركم وين المدى وينا
- مما يعانيه شي يحزن وشي غبنا
- وكأنّ ما عندكم شيمة ولا غيرة
- يا من هب العطر في روحه وعوّادي
- ترى معي علّة(ن) وين المداوينا
- وكم اصيح يا ابويه وشيغبنا
- وكأنّ ما في البلد مثله ولا غيره
البدع (الجد عبدالله بن شائق, غفر الله له):
- قوافل البدو مرّت ما حدا حادي
- يا ليتني سلتهم وين المساءْ, وينا؟
- فانحم على العز ما ضاعت مذاهبنا
- وامّا الردي ما يجي عندي ولا اجي له
- على خطاكم مشينا ما حدى حادي
- شف للمحاسن ولا تنظر مساوينا
- أعطيته المال ويقل لي ماْذا هبنا
- غشاش ما يتفق جيلي ولا جيله
ليست هناك تعليقات:
إرسال تعليق