البدع:
- يا ابو علي كم تمنـّـينا ترافقنا
- وتكون عون(ن) لنا في ما مشينا له
- لان المثل قال حكمة قد حفظناها
- لا تمشي الا مع ذا مثلك واطيب
- مصباح نوره يضي للجاي والرايح
- لكن هذي خـُـطى للعبد مكتوبة
- خطوة مشاها ابن عبدالله وابن عيـّـاش
- شائق ترافق وابن عيـّـاش عبدالله
- وسيلة النقل سيارة وطيارة
- رحنا بلاد اسيا شرقا وغرّبنا
- ولا تقل وين كانت منتهى الرحلة
- رينا عجائب كثيرة في مسيرتنا
- حتى البشر كأنهم من كوكب(ن) ثاني
- لله (ف)الخلق حكمة جلـّـت اقداره
الرد:
- المال يا اهله يقولوا مشترى فاقنا
- يخسر ويكسب بنيّ ادم وشيء ناله
- ويتعب القلب وامـّـا الروح فاظناها
- والمال ما هو ثياب(ن) زاهية واطياب
- يتعـّـب المجتهد ويتعـّـب الرايح
- قد تبت من مال(ن) اشغل خاطري توبة
- سبحان من يرزق الجاهل واب(ن) عيـّـاش
- الابن عايش واب(ن) عيـّـاش عبدالله
- مشيـّـة الله سيـّـارة وطيـّـارة
- يرزق عباده بفضله ما يغـُـرّ بنا
- في البداية معه والمنتهى نرح له
- عينه ترانا صباح(ن) والمسي رتنا
- يبث فينا حياة الروح بثـّـاني
- سبحان ربي وحكمه جلّ تقداره
ليست هناك تعليقات:
إرسال تعليق